Дар марзи Эрону Афғонистон чӣ гузашт?
Пас аз даргирии марзӣ Эрон ва Толибон, дар музокироте ба ҳалли мушкилот аз тариқи гуфтугӯ таъкид шуд.
Интишори филмҳо ва аксҳо дар интернет аз даргирии неруҳои марзбонии Эрон бо Толибони Афғонистон ҳикоят дошт. Ба суръат тасвирҳо ва видеоҳои бештаре аз ин даргирӣ дар шабакаҳои иҷтимоӣ нашр шуд.
Онтавр, ки эълон шудааст: ин даргири зӯҳр рӯзи гузашта дар марзи Систон ва Балучистони Эрон ва вилояти Нимрузи Афғонистон ва дар манотиқе монанди атрофи рустоҳои Сосулӣ, Ҳотам ва Мокакӣ рух додааст.
Соате баъд маркази иттилоърасонии марзбонии Систон ва Балучистони Эрон ҷузъиёти расмӣ аз ин даргириро мунташир кард. Ин марказ навишт: пеш аз зӯҳр марзбонони марзии Зобул бо афроди мусаллаҳи ношинос, ки қасди вуруд ба хоки Эронро доштанд, дар нуқтаи марзӣ даргир шуданд, ки мунҷар ба табодули оташ ва даргирии мусаллаҳона гардид. Дар ин даргирӣ, марзбонон бо бартарии оташи сангин ва таҳмили талафот, хисоратҳои ҷиддиро ба муҳоҷирон ворид карданд.
Марздорони эронӣ бо иқдомоти амалиётӣ ва ташдиди пӯшиши минтақа ба ҳиросат аз марзҳо пардохтанд.
https://tajikpress.com/2023/05/28/%d0%b4%d0%b0%d1%80-%d0%bc%d0%b0%d1%80%d0%b7%d0%b8-%d0%b0%d1%84%d2%93%d0%be%d0%bd%d0%b8%d1%81%d1%82%d0%be%d0%bd%d1%83-%d1%8d%d1%80%d0%be%d0%bd-%d1%87%d3%a3-%d0%b3%d1%83%d0%b7%d0%b0%d1%88%d1%82/

Рақибоне, ки якдигарро ҳамчун таҳдид ба ояндаи Туркия муаррифӣ мекунанд
Ҳам Эрдуғон ва ҳам аҳзоби мухолифи ӯ, пирӯзӣ ва шикаст дар интихоботро ба унвони як мавзӯъи ҳаётии амнияти миллии Туркия қаламдод карда онро ба масъалаи бақо пайванд мезананд.
Ба гузориши манобеи хабарӣ, фурсати андаке барои баргузории даври дуввуми интихоботи риёсатҷумҳурии Туркия боқӣ мондааст ва рӯзи якшанбе оянда, барои аҳзоб ва ҷараёнҳои сиёсии ин кишвар, бисёр ҳассос ва таъйинкунанда хоҳад буд. Бозори суханронӣ ва таблиғ дар Туркия бисёр гарм аст ва ду ҳизби Ҷумҳур ва Миллат ба раҳбарии Эрдуғон ва Қиличдоруғлу, ҳар кадом, дигариро ба унвони хатари бузург барои имрӯз ва фардои Туркия талаққӣ мекунад, ҳоло ҳам Эрдуғон ва ҳам аҳзоби мухолифи ӯ, пирӯзӣ ва шикаст дар интихоботро ба унвони як мавзӯъи ҳаётии амнияти миллии Туркия қаламдод карда ва онро ба масъалаи бақои Туркия пайванд мезананд.
Дар шароите, ки ҷумҳурии Туркия ба унвони нахустин низоми ҷумҳурият таъсисшуда дар минтақа садсола шудааст, ҳоло ва дар яксадумин солгарди таъсиси ҷумҳурӣ, Эрдуғон мегӯяд, ки қарни Туркия оғоз шудааст ва ин кишвар ба қуллаи пешрафт хоҳад расид, ин дар ҳоле аст, ки ӯ пас аз 12 сол талош ва таблиғ, натавонист, ки ҳеҷ кадом аз аҳдофи зикршуда дар санади чашмандози 2023-ро амалӣ кунад. Аз дигар тараф, ҳизби ҷумҳурии Халқ, ки ба дасти Мустафо Камол таъсис шудааст ва дуруст ба андозаи ҷумҳурии Туркия умр дорад, мӯътақид аст, ки идомаи кору фаъолияти сиёсӣ ва мудирияти Эрдуғон барои кишвар, бисёр хатарнок аст ва паёмадҳои талхе барои мардуми ин кишвар хоҳад дошт.
https://tajikpress.com/2023/05/27/%d1%82%d1%83%d1%80%d0%ba%d0%b8%d1%8f-%d1%8d%d1%80%d0%b4%d1%83%d2%93%d0%be%d0%bd-%d2%9b%d0%b8%d0%bb%d0%b8%d1%87%d0%b4%d0%be%d1%80%d1%83%d2%93%d0%bb%d1%83/

8-уми июн ифтитоҳи бузургтарин масҷиди кишвар
Як расонаи тоҷикӣ бо истинод ба манбаи худ эълон кард, бузургтарин масҷиди кишвар, ки бо сармоягузории Қатар дар шаҳри Душанбе бунёд шудааст, 8 июни соли ҷорӣ бо мушорикати сарони ду кишвар ифтитоҳ мешавад.
Дар ҳоли ҳозир онҳо барои ифтитоҳи ин масҷид омода мешаванд ва мунтазири сафари амири Қатар ба кишвар ҳастанд.
Бар асоси ин гузориш, шайх Тамим бин Ҳамд оли Сонӣ, амири Қатар дар чорчӯби як сафари расмӣ дар даҳаи аввали июн вориди Душанбе мешавад.
Дар чорчӯби ин сафар, ба эҳтимоли зиёд муаррихи 8 июн раисҷумҳур Эмомалӣ Раҳмон ва амири Қатар масҷиди мазкурро ифтитоҳ ва мавриди баҳрабардорӣ қарор медиҳанд.
Дафтари матбуотии раёсати ҷумҳур агарчӣ сафари ҳайати қатарӣ ба Душанберо таъйид кардааст, аммо дар мавриди эъломи таърихи дақиқи анҷоми ин сафар худдорӣ кардааст.
Бар асоси иттилооти ироашуда, дар ин масҷид, ки сохти он октябри соли 2011 шуруъ шуд ва 8 сол идома ёфт, беш аз 100 ҳазор нафар метавонанд ҳамзамон намоз бихонанд.
https://tajikpress.com/2023/05/27/8-%d1%83%d0%bc%d0%b8-%d0%b8%d1%8e%d0%bd-%d0%b8%d1%84%d1%82%d0%b8%d1%82%d0%be%d2%b3%d0%b8-%d0%b1%d1%83%d0%b7%d1%83%d1%80%d0%b3%d1%82%d0%b0%d1%80%d0%b8%d0%bd-%d0%bc%d0%b0%d1%81%d2%b7%d0%b8%d0%b4%d0%b8/

Имзои созишномаи молиявӣ байни Қазоқистон ва Иттиҳоди Аврупо
Қазоқистон ва Иттиҳоди Аврупо дар бораи механизмҳои ҳамкориҳои молӣ созишнома имзо карданд.
Дар чаҳорчӯби дуюмин Анҷумани иқтисодии Иттиҳоди Аврупо ва Осиёи Марказӣ дар Алмаато созишнома дар бораи механизмҳои ҳамкориҳои молии Иттиҳодияи зикршуда ва Қазоқистон ба имзо расид.
Алихон Исмоилов, нахуствазири Қазоқистон гуфт: Бо ин иқдом иҷрои қарордодҳои ҳамкорӣ тақвият ёфт.
Исмоилов гуфт: Иттиҳодияи Аврупо барои таъмини рушди устувори иқтисодӣ ва волоияти қонун дар Қазоқистон 9 миллион евро ҷудо мекунад. Мо ба Валдакис Домброскис, муовини иҷроияи Комиссияи Аврупо барои муҳокимаи созанда ташаккур мегӯем.
Бояд гуфт, ки Иттиҳодияи Аврупо шарики асосии тиҷоративу сармоягузории Қазоқистон аст. Зиёда аз 30 дарсади тиҷорати хориҷӣ ва сармоягузории хориҷии Қазоқистон ба Иттиҳодияи Аврупо рост меояд.
То охири соли 2022 гардиши мол миёни Қазоқистон ва Иттиҳодияи Аврупо ба 39,9 миллиард доллар расид, ки нисбат ба соли қаблӣ 38% бештар аст, ки аз он 32,3 миллиард доллар содирот ва 7,6 миллиард доллар воридот иборат аст.
https://tajikpress.com/2023/05/22/%d0%b8%d0%bc%d0%b7%d0%be%d0%b8-%d1%81%d0%be%d0%b7%d0%b8%d1%88%d0%bd%d0%be%d0%bc%d0%b0%d0%b8-%d0%bc%d0%be%d0%bb%d0%b8%d1%8f%d0%b2%d3%a3-%d0%b1%d0%b0%d0%b9%d0%bd%d0%b8-%d2%9b%d0%b0%d0%b7%d0%be%d2%9b/