ԱԴԱՄԸ ՈՐՊԵՍ ՔՐԻՍՏՈՍԻ ՆԱԽԱՏԻՊ, ԵՎԱՆ ԵԿԵՂԵՑՈՒ
Եվան եկեղեցու առաջացման ու եկեղեցու բնության խորհրդապատկերն է (Ծննդ 2:18-24, Եփս 5:31-32): Հին կտակարանում եկեղեցու խորհրդապատկերները հանդիսացող յուրաքանչյուր կին իր առանձնահատկություններն ունի: Եվան որպես եկեղեցու խորհրդապատկերը, եկեղեցու առաջացումն ու բնությունն է մատնանշում. նա ցույց է տալիս թե եկեղեցին ինչպես է առաջանում, և որն է եկեղեցու ծագումը: Եթե չլիներ Եվան՝ որպես եկեղեցու խորհրդապատկերը, դժվար կլիներ հստակ տեսնել, թե ինչից և ինչպես է եկեղեցին առաջանում: Եվայի նկարը թույլ է տալիս ստանալ եկեղեցու առաջացման հստակ հասկացողությունը:Եթե կարդանք Նոր Կտակարանում առկա բացատրությունները և դրանք համադրենք Հին Կտակարանի նկարների հետ, եկեղեցու առաջացման վերաբերյալ հստակ տեսություն ու ստույգ եզրահանգում կունենանք, և մեզ համար հեշտ կլինի ճանաչել եկեղեցու բնությունը:
ՆԱԽԱՊԱՏՄՈՒԹՅՈՒՆԸ
Լավ չէ, որ Ադամը մենակ լինի, սա նշանակում է, որ լավ չէ, որ Աստված տիեզերքում մենակ լինի
Եվայի առաջացման հետ կապված նախապատմությունը բացահայտում է եկեղեցու առաջացման հետ կապված նախապատմությունը: Մինչև Ադամի համար Եվային ստեղծելը, Աստված ասաց.«Լավ չէ, որ մարդը մենակ լինի»(Ծննդ 2:18), այսինքն՝լավ չէ, որ Ադամը մենակ լինի: Այս արտահայտության հոգևոր նշանակությունն արտացոլում է Իր իսկ հանդեպ Աստծու զգացողությունը: Ադամը՝ մարդը, խորհրդանշում է տիեզերքի Աստծուն: Երբ Աստված ասում է, թե լավ չէ, որ Ադամը մենակ լինի, նշանակում է, որ Աստված զգում էր, որ լավ չէ, որ Ինքը մենակ լինի. ուստի Նրան անհրաժեշտ էր Իր համար զույգ ստեղծել:
Ադամը չկարողացավ իր համար զույգ գտնել. սա նշանակում է, որ Աստված չեր կարողանում տիեզերքում Իրեն համապատասխանող մեկին գտնել
Մինչև Ադամի համար զույգ ստեղծելը՝ Աստված Ադամի մոտ բերեց բոլոր կենդանիներին: Ադամը բոլորին անուններ դրեց, սակայն չկարողացավ իրեն համապատասխանող զույգ գտնել (Ծննդ 2:19-20): Ադամը բոլոր կենդանիների մեջ չկարողացավ իրեն համապատասխանող զույգ գտնել: Սա նշանակում է, որ Աստված ողջ ստեղծագործության մեջ չեր կարող Իրեն համապատասխանող մեկին գտնել: «Համապատասխանող» բառը ենթադրում է, որ երկու կողմերը պետք է նման լինեն: Ադամը բոլոր կենդանիների մեջ չկարողացավ գտնել իրեն համապատասխանող մեկին: Սա ենթադրում է, որ ողջ ստեղծագործության մեջ Աստված չեր կարող գտնել մեկին, ով կհամապատասխաներ Իրեն և Իր զույգը կլիներ:
ԵԿԵՂԵՑՈՒ ԱՌԱՋԱՑՈՒՄԸ
Մարմնացումը
Ադամը չկարողացավ իր համար զույգ գտնել: Այդժամ Աստված նրա վրա խոր քուն բերեց: Երբ նա քնած էր, Աստված բացեց նրա կողը և վերցրեց նրա կողոսկրերից մեկը (խ 21): Ադամը խորհրդանշում է մարմնացած Մարդու Որդուն՝ Որդուն, ով մարդ դարձավ: Հռմ 5:14-ում ասվում է, որ Ադամը «Նախատիպն է Նրա, ով պետք է գար»: Ադամը պատկերն է Նրա, ով պետք է գար, այսինքն Քրիստոսի: Ադամը Քրիստոսի նախատիպն է ոչ միայն ամեն բանի Գլխի, այլև՝ որպես Աստծու, ով մարդ դարձավ:
Եկեղեցու առաջացումը սկսվեց մարմնացումից: Եթե Աստված մարդ չդառնար, եկեղեցին չեր կարող առաջանալ: Աստված մարդ դարձավ, որպեսզի առաջացնի եկեղեցին: Նախ պետք է ստեղծվեր Ադամը, ապա՝ կարող էր առաջացվել նաև Եվան: Թեև Քրիստոսը գոյություն ուներ մինչև աշխարհի ստեղծումը, անցյալ հավիտենությունում Նա դեռևս մարդ չեր դարձել: Եկեղեցին առաջացնելու համար անհրաժեշտ էր, որ Քրիստոսը գար ու դառնար Ադամը՝ մարդը. այլ կերպ ասած՝ եկեղեցին ստեղծելու համար Արարիչը պետք է Արարած դառնար: Եկեղեցին երկակի բնություն ունի՝ Աստվածային և մարդկային, ուստի միայն աստվածայնությունը չի կարող առաջացնել եկեղեցին: Եկեղեցին առաջացնելու համար անհրաժեշտ էր, որ Աստված մարդ դառնար:
Վիթնես Լի «Եկեղեցու նշանակությունը» գրքից
Այս և այլ գրքեր ձեռք բերելու համար զանգահարեք 098185664
Нет комментариев