BAXT FORMULASI

Ёрилган тавонинг калиш кўрмаган, Толиққан сочларинг болиш кўрмаган. Худодан сўраган нолиш кўрмаган. Онамни қандайин рози қилайн? Пойинга йиқилиб оёғинг ўпай. Елкамда кўтариб мехримни тутай. Олдингдаги фарзандлик бурчум ўтай. Онамни қандайин рози қилайин? Қўлларинг қаварган кўзларинг хира. Халоват билмадинг кўрмадинг сира. Эй фарзанд бир бора ўтмишга қара. Oнамни қандайин рози қилайин. Хар битта оқарган сочларинг хаққи. Саждада эгилган бошларинг хаққи. Аламдан туғилган ёшларинг хаққи. Онамни қандайин рози қилайин?

Беш фарзандни ўстириш, эрнинг овқатини тайёрлаш, кир ювиш, нон ёпиб, ўтин ташиш, ҳовли чеккасига иккитагина хона солганда эрига қўшилиб лой тепиш, ғишт қўйишдан тортиб қайнона, қайин-бўйинларнинг хизматини қилиш ҳам унинг зиммасида эди. Эрига ҳар замонда “дўхтирга кўринсаммикан, бел қурғур оғрияпти” деса, эшитадигани бир гап бўларди: “Ўлмайсан, аёлнинг жони қирқта...” Аёл тишини тишига босиб чидади. Касал бўлишга унинг ҳақи йўқ, ахир, аёлнинг жони қирққа. Кутилмаганда ётиб қолди. Қишлоқдаги табибнинг гиёҳлари ҳам ёрдам бермади. Уни вилоят марказидаги шифохонага олиб боришди. Кун сайин аҳволи оғирлашаверди. Шифокорлар эрини чақириб, уйга олиб кетиш кераклигини айтишди: “Жуда кеч олиб келган