НА СКРЫЖАВАННІ

Падведзены вынікі раённага этапу конкурсу даследчых работ навучэнцаў "Юнацтва. Навука. Культура".
Ляўковіч Дар'я, вучаница 10 класа Шчораўкай сярэдняй школы, выступіла ў секцыі «Матэматыка» з даследчай работай, годна прадставіла журы вынікі сваёй працы і атрымала высокую ацэнку журы. - дыпломам ІІІ ступені! Віншуем Дар'ю і яе кіраўніка Вазвышаеву Л.В., жадаем ім далейшых поспехаў, натхнення і творчасці!

УЗЯТА "КУПАЛАЎСКАЯ ВЫШЫНЯ"!
27 красавіка 2024 гда ў Гродзенскім дзяржаўным універсітэце імя Янкі Купалы адбыўся заключны этап 1-й абласной навукова-практычнай краязнаўчай канферэнцыі студэнтаў і вучняў “Купалаўская вышыня”. 234 юныя краязнаўцы прадставілі на суд кампетэнтных журы свае даследчыя работы.
У час працы секцыі “Гродзеншчына ў гады Першай сусветнай вайны” аргументавана, з багатым прадстаўленнем вынікаў праведзенай навукова-даследчай работы выступіла вучаніца 8 класа Шчорсаўскай сярэдняй школы Дар’я Быстранкова. У выніку – Дыплом І ступені!
Віншуем Дашу і яе кіраўніка Антончыка М.А., жадаем новых перамог!

25 красавіка ў Шчорсаўскай сярэдняй школе прайшоў ШАГ "Радзіма мая Беларусь у асобах. З клопатам аб здароўі (аб медыцынскіх работніках)".
Дзеці даведаліся аб тым, у якіх гарадах краіны размешчаны медыцынскія каледжы і ўніверсітэты па падрыхтоўцы кадраў для аховы здароўя. Запрошаны госць медсястра Шчорсаўскай амбулаторыі Лагун Г.М. расказала пра час вучобы ў Слонімскім медыцынскім вучылішчы і падзялілася вопытам работы ў сферы аховы здароўя.

КАБ СТАЦЬ АБАРОНЦАМ АЙЧЫНЫ
25 красавіка адбылася прафарыентацыйная сустрэча вучняў 9-10-х класаў з вайскоўцам воінскай часці 75158.
У ходзе гутаркі ваеннаслужачы расказаў аб службе ва Узброеных Сілах Рэспублікі Беларусь, аб магчымасцях атрымання ваенных спецыяльнасцей у Ваеннай акадэміі Рэспублікі Беларусь, аб тым, якія магчымасці раскрывае прафесія ваеннага, якія напрамкі дзейнасці ў далейшым можа выбраць курсант.

Брэй-рынг "Што я ведаю пра Чарнобыльскую катастрофу" прайшоў 24.04.2024. Удзельнічалі вучні 6-7 класаў. Удзельнікі падзяліліся на дзве каманды, для таго, каб даведацца, хто самы эрудзіраваны. Па шчаслівай выпадковасці вызначыць пераможцу не атрымалася. Абедзве каманды набралі роўную колькасць балаў. Але ніхто не засмуціўся, бо, як вядома, галоўнае не перамога, а сяброўская атмасфера.

20 красавіка супрацоўнікі і навучэнцы Шчорсаўскай сярэдняй школы прынялі актыўны ўдзел у рэспубліканскім суботніку. Удзельнікі суботніка ўнеслі свой уклад у паляпшэнне навакольнага асяроддзя: прыбралі смецце на тэрыторыі школы і па-за яе межамі, ачысцілі тэрыторыю стадыёна ад хмызняковай расліннасці, што садзейнічала стварэнню чысціні і утульнасці ў нашым аграгарадку.

АКЦЫЯ "ПОМНІК"
18 красавіка валанцёрамі школы была праведзена ўборка каля помнікаў на брацкіх магілах нашых землякоў, якія загінулі ў гады Вялікай Айчыннай вайны.

16.04.2024 у рамках тыдня "Мая краіна. Мая вёска" з дзецьмі другой рознаўзроставай групы была праведзена экскурсія па галоўнай вуліцы аграгарадка. Падчас экскурсіі дзеці паўтарылі, як правільна пераходзіць дарогу, замацавалі назву галоўнай вуліцы, наведалі сацыяльна-значныя аб'екты, расказвалі пра іх прызначэнне і ролю ў жыцці аднавяскоўцаў. Дзеці звярнулі ўвагу на чысціню вуліц, на дагледжаны выгляд жылых дамоў, што дазваляе зрабіць выснову, што жыхары нашага аграгарадка - працавітыя людзі, якія любяць сваю малую радзіму.

15.04.2024 г. у Шчорсаўскай сярэдняй школе адбыўся справаздачна-выбарны сход.
У рабоце сходу прыняла ўдзел Тур Ж.А., старшыня Навагрудскай раённай арганізацыі прафсаюза работнікаў адукацыі і навукі.
На сходзе падведзены вынікі працы прафсаюзнай арганізацыі за 5 гадоў, старшынёй абрана Каляда В.І.

13 красавіка ў рамках прафарыентацыйнай дзейнасці ў шосты школьны дзень вучні 5-9 класаў наведалі Навагрудскі дзяржаўны каледж тэхналогій і бяспекі.
Школьнікі пазнаёміліся з гісторыяй навучальнай установы, са спецыяльнасцямі, па якіх вядзецца падрыхтоўка спецыялістаў, умовамі прыёму ў 2024 годзе.
Пазнавальна і займальна прайшла экскурсія па каледжы, дзе вучняў падрабязна пазнаёмілі з прафесіямі і правялі майстар-класы педагогі і навучэнцы ўстановы. Самым эмацыянальным быў майстар-клас па ваджэнню легкавога аўтамабіля, дзе ў кожнага вучня была магчымасць паспрабаваць сябе ў якасці вадзіцеля.
Будучыя абітурыенты атрымалі буклет з падрабязнай інфармацыяй аб прафесіях каледжа.