А Худьой ғал ту му наник пӣр мак,
Ту қабул сам, пи ғаманд waм гӣр мак.
Йа ца йаст зиндагэйат динйо гарм,
А Худьой абрэ пиро ас хӣр мак.
Нан қатӣр умрэ хушат дил бе ғам,
А Худьой бе waма йошдил жӣр мак.
Нан қатӣр фамтумидэ зиндагэ чӣз,
А Худьой йухьк му цемен-тӣр мак.
Нур му нан ас му ту мапарҷийата,
Сар айот зерэ туфангат тӣр мак.
А Худьой ас Ту Муносиб ба умедь,
Му ҷаwӯн умрэ Ту тезафь фьӣр мак.
14:00 10:03:17 Душанбе
МУНОСИБ МУҲАММАДАТО