Старое Пшенево

Кода ванфтомс кяльнясь. ++++++++++++++++++++ Мокша, эрьзянь кяленьке, Аф эряви срафтомс. Пяк ни оцю мяленьке, Кяльнять аф юмафтомс! Тядяньке и аляньке. Тя кяльняса корхнесть, Атяньке и бабаньке, Кайги морнят морсесть. Кяленьконь мон кельгса. Марямац пяк мазы. Лама ёфкс тя кяльса, Ломатьненьди казеньтьф. Кода тени ванфтомс, Мокша эрьзянь кяльнесь! Кода сонь аф срафтомс! Прястон аф туй мяльнясь! Галина Лаушкина ( Будко) 15.04.2024г.

Николай Ц И Л И К И Н
ШКАЙТИ ЭНЯЛЬДЕМА
Макст, Шкайняй, ялганенди сянь, мезь эрявкстсь,
И кельгомаса мяштьснон пяшкотьк вельф;
Стяфтт ингольгаст синь сяськовомшка перяфкст,
Катк теест ули эрь шись наголь келькф.
Макст тялонь кельмот – аньцек щёкас палайхть,
Кудгаст кузнят Од кизоть васьфтемс стяфтт;
Тунда касть панчфт, штоб сельмованфснон салальхть,
А сексенда пулфт мазы лопань яфт.
Шумбраши, Шкайняй, тят юкста бславамс,
И ялгаксшинь соткст кемот – эрь шиня!
Штоб вайме эрьхксост маряльхть оцю паваз,
Моркш лангстост афоль машне салсь, кшинясь.
Шять фкять синь эздост машты виец-эрьгац, –
Урма пристандай латта апак аст, –
Илядыхне, штоб афольхть учсе серьгятькс,
Зиянц по