Muslims in Uzbekistan

Риёзус-солиҳийн: 228-боб. Шаввол ойида олти кун рўза тутишнинг маҳбублиги ҳақида 1253/1. Абу Аюбдан р.а. ривоят қилинади. Расулуллоҳ с.а.в. : «Ким Рамазон ойида рўза тутиб, кейинги шаввол ойида олти кун рўзани уласа, гўёки замон (йил) бўйи рўза тутгандек бўлади», дедилар. Имом Муслим ривоятлари. Фойда: Ким Рамазон ойида рўза тутиб, унга шаввол ойидан олти кунни уласа, гўёки замон (йил) бўйи рўза тутибди. Чунки Аллоҳ таоло: «Ким бирон чиройли амал қилса, унга ўн баробар қилиб (қайтарилур)», деб айтган. Демак, бир ой Рамазон ўн ойга тўғри келса, олти кунимиз ўн баробарга кўпайтирсак, олтмиш кун, яъни икки ой бўлади. Ҳаммасини қўшсак, ўн икки ой бўлади.