Фильтр
Все темыдобавлена 15 апреля в 13:56
добавлена 22 апреля 2023 в 23:06
добавлена 12 ноября 2022 в 08:06
добавлена 23 октября 2022 в 22:56
добавлена 5 октября 2022 в 21:09
добавлена 23 июня 2022 в 14:52
03:43
загрузка
Показать ещёЛевая колонка
Интересная затея!
Желаю удачи!
Ютазы районында «Тапшырылмаган хатлар» әсәренә багышланган музей ачарга ниятлиләр
Казанда яшәүче Ильмира Гобәйдуллина туган ягы Ютазы авылында Гадел Кутуйның «Тапшырылмаган хатлар» әсәренә багышланган музей ачарга тели. Музей Ютазы авылында, Вахитов урамы 13 йортта, идея авторының бабасы Миргасыйм Камаев салган йортта ачылачак.
«Гадел Кутуй үзе дә, хатыны да, әсәре геройларының прототиплары да шундый йортларда үскән. Элек анда Әптерәзәк авылы булган. «Тапшырылмаган хатлар»да ул Әдрәс авылы дип бирелә. Аннан соң ул җирләрдә «Нур» колхозы оештырыла, соңрак Ютазы авылы составына керә. Әсәр шул җирлектә язылган, идея буларак та анда барлыкка килгән. Прототиплары да анда яшәгән һәм эшләгән. Төп герой – Галиянең прототибы Гадел Кутуйның хатыны Галимә (Алимә) Садыйковна Кутуева минем әни белән бергә санаторийда эшләгән, әни бухгалтер булган, ә ул – табибә. Галиуллин абый прототибы Вәлиуллин абый колхоз рәисе, минем классташымның бабасы иде. Әлегә Нәфисә прототибын таба алмыйбыз, әсәрдә ул бата, Галия аны коткара. Төрле шәһәрләрдән эзләп карадык, әлегә табып булмый», - дип сөйләде Ильмира Гобәйдуллина.
Музей эше белән барлык чыгымнарны ул әлегә үз өстенә алган. Ильмира Гобәйдуллина социаль челтәрдә музейның аккаунтын теркәгән. Күп кенә укучылар аңа рәхмәтләрен җиткерә, яхшы идея булуын язганнар. Хәзерге вакытта Ильмира Гобәйдуллина музейга экспонатлар туплау белән мәшгуль.
Нет комментариев