Дунёда борлигинг қанчалар яхши,

Сен нафис гулдирсан сен ширин ҳаёл.
Баҳордек яшнатиб дунё бағрини,
Тўлин ой мисоли тўлиб юр аёл.
Сен ахир онасан, она улуғ зот,
Она нафасидан бошланар ҳаёт.
Фарзанд табассуми қилсин сени шод,
Жилмайиб, севиниб, кулиб юр аёл.
Йиғлама шундоқ ҳам кўзларинг қора,
Эзилма хар дардга топилар чора.
Эй хушбуй настарин, эй хушруй лола,
Шу нозик қаддинг тик тутиб юр аёл.
Сен мухаббат тўла дилга лойиқсан,
Ҳар куни бир даста гулга лойиқсан,
Ўзингдайин ширин сўзга лойиқсан,
Хар не муродингга етиб юр аёл.
Баҳор келди йўлинг гулларга тўлсин,
Сенга ҳар бир кунинг муборак бўлсин.
©Рислиғой Ҳотамова