Тоҷикистон ҳамлаи террористӣ ба масҷиде дар Покистонро шадидан маҳкум кард

Президенти Тоҷикистон ба унвони президент ва сарвазири Покистон номаи таслият равон кард.
Президенти Тоҷикистон ба унвони президент ва сарвазири Покистон номаи таслият равон кард.
Ба гузориши манбаъ:
Раисиҷумҳуи Тоҷикистон Эмомалӣ Раҳмон дар робита ба ҳамлаи террористӣ ба раҳбарияти Покистон изҳори таслият кард.
Дар ин бора, хадамоти матбуотии президент хабар додааст.
Номаи таслияти президенти Тоҷикистон дар иртибот ба оқибатҳои фоҷеабори амали террористии интиҳорӣ дар яке аз масҷидҳои шаҳри Исломобод равон шудааст.
Ин амали террористӣ боиси ба ҳалокат расидан ва ҷароҳат бардоштани шумораи зиёди одамон гардид.
Барқияи изҳори тасаллии Эмомалӣ Раҳмон ба унвони президент ва сарвазири ин кишвар Осиф Алӣ Зардорӣ ва Шаҳбоз Шариф ирсол шудааст.
Дар барқия омадааст:
“Тоҷикистон ин амали террористии золимона ва чун ҳамеша ҳама гуна зуҳуроти терроризмро шадидан маҳкум карда, зарурати муборизаи беамонро алайҳи он мудом таъкид менамояд”.
Президенти Тоҷикистон аз даргоҳи Худованд барои фавтидагон раҳмату мағфират ва барои ҳамаи осебдидагон шифои комил хостааст.
Ёдрас мешавем, ки дирӯз дар масҷиде дар ноҳияи Тарлайи Исломобод ҳангоми намози ҷумъа таркиш рух дод. Сабаби таркиш то кунун маълум нест.
Dawn бо истинод ба як мақоми ҳукумати маҳаллӣ хабар дод, ки дар натиҷаи ин таркиш 31 нафар кушта ва ҳадди ақал 169 нафар маҷрӯҳ шудаанд.
Ишфақ, посбони масҷид, ба РИА Новости гуфтааст, ки се ҳамлагар пеш аз таркиш ба масҷиди Имом Баргаҳ дар Исломобод ворид шуда, як посбони маҳаллиро захмӣ кардаанд. https://tajikpress.com/2026/02/08/%d1%82%d0%be%d2%b7%d0%b8%d0%ba%d0%b8%d1%81%d1%82%d0%be%d0%bd-%d2%b3%d0%b0%d0%bc%d0%bb%d0%b0%d0%b8-%d1%82%d0%b5%d1%80%d1%80%d0%be%d1%80%d0%b8%d1%81%d1%82%d3%a3-%d0%b1%d0%b0-%d0%bc%d0%b0%d1%81%d2%b7/