ბედნიერებავ შემიჩერდი ერთხელ კარებთან, გიხილო მხოლოდ კმაყოფილი ვიქნები ამით, მოდი დადექი ამ შიშველ და დაღლილ თვალებთან, რომ აირეკლოს შენი სხივი სულ ერთი წამით.

იქნება გიცნო იქნებ გზაში ამცდი შემთხვევით, მეც რომ შემეძლოს დავიფიცო ნანახი მყავხარ, არ გთხოვ დარჩენას არც გაგკიცხავ და არც გემთხვევი, უბრალოდ მინდა დავიჯერო ოცნება არ ხარ. ბედნიერებავ მხოლოდ ერთხელ შემახე ხელი, აწი რომც დარჩე ვერ მოგიხდენ არა მგონია, გთხოვ დამანახე რა სხივი გაქვს ასეთი მწველი, ვთქვა შენს სტუმრობას რა ლამაზი ცრემლი ჰქონია. ნახვად გინატრებ მერე წადი გიცდის რამდენი, ბედნიერებავ სიხარულის თანაზიარო, მხოლოდ დამლოცე ვიდრე ბოლო იმედს განვდევნი, რომ ისევ შევძლო და ტკივილთან ერთად ვიარო.