აშშ-ის ხელისუფლების ოფიციალურმა წარმომადგენელმა ინდიელთა ტომის უხუცეს ბელადს, რომლის სახელია "ორი არწივი", კითხვა შემდეგნაირად დაუსვა:

- თქვენ, უკვე 90 წელია, რაც აკვირდებით თეთრი ადამიანების ცხოვრებას და მოღვაწეობას, თქვენ გინახავთ მათი ომები და ტექნოლოგიური მიღწევები, თქვენ ნახეთ მათი წინსვლა და ზარალი, რომელიც მათ ერთმანეთს მიაყენეს.
ბელადმა გაიღიმა და თანხმობის ნიშნად თავი დააქნია.
მაშინ ხელისუფლების წარმომადგენელმა ჰკითხა:
- რომ გავითვალისწინოთ ყველა ეს მოვლენა, თქვენი აზრით, რაში შეცდნენ თეთრი ადამიანები? სად აირჩიეს მათ არასწორი მიმართულება?
ბელადმა შეხედა თეთრ ადამიანს და უპასუხა:
- როცა თეთრმა ადამიანმა აღმოაჩინა ეს მიწა, ის ინდიელებს ეკუთვნოდა, არ იყო არც გადასახადები და არც ვალები. ჩვენი მინდვრები კამეჩებითა და წავებით იყო სავსე. წყალი იყო სუფთა და საკვები უამრავი. ქალები აკეთებდნენ ოჯახის საქმეს, ექიმები არ იღებდნენ ფულს. ინდიელი მამაკაცები მთელ დღეს ნადირობაში ატარებდნენ, ხოლო ღამით თავიანთ ცოლებს ეფერებოდნენ.
შემდეგ ბელადმა თავი უკან გადასწია, გაიღიმა და დაამატა:
- მხოლოდ თეთრი ადამიანი შეიძლება იყოს იმდენად სულელი, რომ იფიქროს უკეთესი სისტემის შექმნაზე.