Пасольства ЗША распрадае ўжываную мэблю праз анлайн-аўкцыён.

Распродаж скончыцца 19 верасня ў 17:30.
Сярод лотаў паліцы для кніг, сталы пісьмовыя і раскладныя, кніжныя шафы, стойкі, падобныя на рэсэпшн, крэслы і трыбуна. Усе прадметы выглядаюць даволі прыстойна. З чым звязаны аўкцыён у пасольстве, якое афіцыйна не вядзе ніякай дзейнасці ў нашай краіне, дакладна невядома. У паведамленні напісана, што так прадаюць «лішкі рухомай маёмасці».
Таксама папярэджваюць, што ў сувязі з частымі спробамі махлярства, абмяжоўваецца колькасць ставак на адзін лот для кожнага ўдзельніка ў памеры дзесяці. Аплаціць пакупкі можна будзе на рахунак Пасольства ЗША ў Беларусі на працягу з 3 працоўных дзён пасля заканчэння аўкцыёну.
Крыніца: https://online-auction.state.gov/ru-RU/Auction/Index/90544046-4f05-41f5-9717-da1ce7fdd670