У Гомелі ёсць незвычайная бетонная дзіцячая пляцоўка, дзе ідэальна здымаць кліпы для трэкаў Molchat Doma

Гэта цяпер усе дзіцячыя гарадкі тыпавыя і мала адрозніваюцца адна ад адной. Але ў Гомелі захаваліся ранейшыя, яшчэ савецкіх часоў, і даволі цікавыя.
Напрыклад, гэтая, што трапіла ў аб’ектыў журналіста «Моцных Навін», называецца «Гулівер». Месціцца яна ў мікрараёне «Сельмаш» у дварах паміж праспектам Касманаўтаў і вуліцай 50 гадоў заводу Гомсельмаш. Другая такая ж знаходзіцца паміж дамамі 96 і 98 па праспекце Касманаўтаў. Выглядаюць яны так, быццам гігант праваліўся пад зямлю, і звонку бачна толькі яго галава і далоні.
Знайсці нейкую дакладную інфармацыю пра скультуры пакуль не ўдалося, але мы ведаем, што жылыя дамы побач з пляцоўкай пабудавалі тут у 1980-я. Магчыма, што і гэты атмасферны бетонны Гулівер з’явіўся тут прыкладна ў той жа час.