Фонд заснавальніка Microsoft і яго жонкі ўжо даўно фінансуе дабрачынныя праекты.

За 25 гадоў існавання ён ужо вылучыў 100 мільярдаў долараў на ахову здароўя і развіццё ў розных краінах.
Але цяпер мільярдэр, якому ўвосень споўніцца 70 гадоў, вырашыў паскорыць траты. Раней яны з жонкай планавалі, што фонд будзе працаваць яшчэ дзясяткі гадоў пасля іх смерці. Цяпер план іншы: выдаткаваць усе грошы і закрыцца ў 2045 годзе.
Сродкі пойдуць у першую чаргу на змаганне з хваробамі, якія забіваюць маці і дзяцей, інфекцыйнымі захворваннямі, уключаючы малярыю і адзёр, а таксама збавенне ад беднасці сотняў мільёнаў жыхароў розных краін.
Па разліках Гейтса, цягам наступных 20 гадоў яго фонд выдаткуе каля 200 мільярдаў долараў. Цікава таксама, што нават калі Гейтс раздасць 99% сваіх грошай, то ўсё роўна застанецца мільярдэрам.
Спешку ў гэтай справе мужчына патлумачыў тым, што хоча быць упэўненым, што расходы фонда будуць адпавядаць яго каштоўнасцям.
Крыніца: https://www.gatesnotes.com/work/save-lives/reader/20-years-to-give-away-virtually-all-my-wealth?WT.mc_id=20250508050000_GF-25_BG-TW