Нацыянальнае агенцтва па турызме аб’явіла май месяцам аграэкатурызму.

У Нацагенцтве адзначаюць, што аграэкатурызм у Беларусі – гэта магчымасць адпачыць ад гарадской мітусні, умацаваць здароўе і дакрануцца да самабытных традыцый беларускай вёскі.
З 5 па 26 мая ў беларускіх аграэкасядзібах пройдуць дні адчыненых дзвярэй. У гэты час турысты змогуць пазнаёміцца бліжэй з асаблівасцямі сядзібаў, паспрабаваць мясцовыя дэлікатэсы і ўзяць удзел у майстар-класах па народных рамёствах.
Дадаткова ў маі запланаваныя прэс-канферэнцыі і інфармацыйныя сустрэчы для абмеркавання актуальных пытанняў развіцця гэтай сферы, абмену досведам і анонсу новых ініцыятыў.
Не абыдзецца без маніторынгу працы. У сядзібах будуць правяраць выкананне законаў, якасць сэрвісу і гатоўнасць да летняга сезону.
Крыніца: https://belta.by/society/view/maj-objjavlen-v-belarusi-mesjatsem-agroekoturizma-712647-2025/