Фармацэўтычная кампанія Sanofi аб’явіла пра старт клінічных выпрабаванняў вакцыны супраць вугроў.

У даследаванні бяруць ўдзел чатырыста добраахвотнікаў ад 18 да 45 гадоў з рознымі формамі вугрыстага сыпу.
Удзельнікі атрымаюць да трох ін’екцый, а кантрольная група – плацэба. Тэсты працягнуцца да 2027 года.
Прэпарат адносіцца да мРНК-вакцынаў. Ён павінен запускаць імунны адказ супраць пэўных бялкоў, звязаных з развіццём захворвання.
Як удакладняе выданне Live Science, ад распрацоўкі да з'яўлення вакцыны ў клініках звычайна праходзіць каля 10 гадоў. Таму нават калі гэтыя іспыты пакажуць станоўчы вынік, наперадзе яшчэ некалькі этапаў праверкі бяспекі і эфектыўнасці.
Акрамя Sanofi, вакцыны супраць акне распрацоўваюць і іншыя даследчыя групы, але французская кампанія першай распачала маштабныя клінічныя выпрабаванні.
Крыніца: https://www.livescience.com/health/medicine-drugs/acne-vaccine-experimental-shot-for-common-skin-condition-reaches-clinical-trials-heres-what-you-need-to-know?utm_source=chatgpt.com