Ўзга юртда мусофир бўлиб.

Бор вужуди соғинчга тўлиб.
Тунда чўчиб уйғониб туриб.
Ватанини соғинганлар бор.
Болам деган сўзларин эслаб.
Ўз - ўзига дийдорни тилаб.
Гохи тунда гохи эрталаб.
Онасини соғинганлар бор.
Баъзан ўйлаб чекади ох - вох.
Ўзгалардан қидирар панох.
Онасининг ёнида хамрох.
Отасини соғинганлар бор.
Ўғил қизин суратин қучиб.
Хаёллари кўкларга учиб.
Бир зум дунё ишидан кечиб.
Боласини соғинганлар бор...