Добрай традыцыяй ужо стала праводзіць забаўляльныя праграмы падчас летніх вакацый у Доме рамёстваў для наведвальнікаў аздараўленчых лагераў дзіцячых садкоў і школ нашага раёна. На мінулым і цякучым тыдні з вялікім задавальненнем наведвальнікі лагераў прынялі ўдзел у гульнёва-забаўляльнай праграме “Гульні нашых продкаў”, падчас якой яны мелі выдатную магчымасць цікава правесці вольны час на свежым паветры і пагуляць у рухавыя гульні.
У мінулую суботу 25 мая Ганцавіцкі раённы дом рамёстваў разам з народным клубам майстроў народнай творчасці “Багач” прынялі ўдзел у ХІ Рэспубліканскім фестывалі-кірмашы народных мастацкіх рамёстваў “Вясновы букет”, які прайшоў у Верхнім горадзе нашай сталіцы і адкрыў сезон правядзення святаў нацыянальных культур. Фестываль-кірмаш “Вясновы букет” праводзіцца ў мэтах падтрымкі народнай творчасці, народных промыслаў і рамёстваў, аднаўлення рэдкіх і забытых відаў традыцыйных рамёстваў, павышэння т
Ганцавіцкі раённы дом рамёстваў прапануе сувенірную прадукцыю да Дня Перамогі!!! Вы можаце набыць гатовыя бутаньеркі і падвескі ў машыну розных форм і памераў. Набыць бутаньеркі можна: 1) у Ганцавіцкім раённым доме рамёстваў, вул.Суворова, 2 (наяўны і безнаяўны разлік); 2) 9 мая перад уваходам (шлагбаумам) ва ўрочышчы Горкі з 10.30 да 14.00; 3) 9 мая ў час працы тэматычнай пляцоўкі «Сувенірная крама» з 10.30 да 14.00.
1 мая ў гарадскім скверы ў рамках святочнага мерапрыемства, прысвечанаму святу Вясны і Працы Ганцавіцкі раённы дом рамёстваў разам з народным клубам майстроў народнай творчасці “Багач” і яго кіраўніком Галінай Савеня арганізавалі выставу дэкаратыўна-прыкладнога мастацтва «Вясновы настрой». У выставе прынялі ўдзел майстры Дома рамёстваў Таццяна Зялёнка, Алена Цялушка, Вольга Івановіч і Кацярына Цялушка. Таксама на выставе свае вырабы прадставілі члены народнага клуба майстроў народнай творчасці
20 красавіка ў Ганцавіцкім раённым доме рамёстваў прайшоў майстар-клас па роспісу велікодных пернікаў. Майстар-клас правяла Марына Аляксейчык, якая дапамагла прысутным разабрацца ва ўсіх тонкасцях пернікавага рамяства і падзялілася ўласным рэцэптам імбірна-мядовых пернікаў. Удзельнікам былі прапанаваны для роспісу гатовыя пернікі, якія затым былі аб'яднаны ў адну прыгожую велікодную кампазіцыю. Для роспісу выкарыстоўвалі каляровую і белую глазуру, масціку, рознакаляровыя ўпрыгожванні ў выгля
📌Запрашаем 20 красавіка а 15.00 прыняць удзел у майстар-класе "РОСПІС ВЕЛІКОДНЫХ ПЕРНІКАЎ"! 📌 Наперадзе вялікае свята Вялікдзень. Да Вялікадня прынята рыхтавацца загадзя. Самымі распаўсюджанымі сімваламі велікоднага стала вядома ж з'яўляюцца велікодныя яйкі, пасха і велікодны куліч. Яны заўсёды займаюць цэнтральнае месца на святочным стале. Ганцавіцкі раённы дом рамёстваў запрашае прыняць удзел у займальным майстар-класе па роспісу велікодных пернікаў у выглядзе яек, на якім вы зможаце падр
"Пра пунсовыя ветразі, драўляны табурэцік і адно шчасце на дваіх" Яшчэ Фрыдрых Ніцшэ аднойчы сказаў, што добры шлюб грунтуецца на таленце і сяброўстве. Менавіта тады, лічыць вялікі нямецкі філосаф, сям’я будзе моцнай і духоўна здаровай. На шчасце, такія сем’і ёсць. Адна з іх – Лебедзевых Аляксея і Веранікі з вёскі Агарэвічы. Аляксей і Вераніка – людзі, якія створаны адзін дзеля другога, каб кахаць, нараджаць дзяцей, раздзяляць выпрабаванні, радасныя хвіліны, наканаваныя лёсам, быць падтрымка
9 сакавіка ў выставачнай зале Ганцавіцкага раённага дома рамёстваў адбылося адкрытае пасяджэнне народнага клуба майстроў народнай творчасці “Багач” і ўрачыстае адкрыццё выставы “Таленты Багача”. Клуб майстроў народнай творчасці “Багач” быў створаны ў 1996 годзе. У яго склад уваходзяць 25 самадзейных майстроў, розных па ўзросце, прафесіі і кірунку народнай творчасці, але ўсіх іх аб’ядноўваюць энтузіазм і вялікая любоў да беларускай народнай спадчыны. Трое ўдзельнікаў клуба маюць ганаровае званн
21 студзеня ў Дзяржаўным літаратурна-мемарыяльным музеі Якуба Коласа адбылося адкрыццё выставы майстра-разьбяра Аляксандра Уладзіміравіча Свірыда “Дрэва жыцця майго…”. Прапанову арганізаваць персанальную выставу ў Дзяржаўным літаратурна-мемарыяльным музеі Якуба Коласа Аляксандр Уладзіміравіч атрымаў яшчэ ў кастрычніку мінулага года, пасля візіту прадстаўнікоў музея на Ганцаўшчыну, якая цесна звязана з лёсам і творчасцю знакамітага пісьменніка. І з радасцю прыняў яе. На адкрыцці выставы разам
17 студзеня майстры Ганцавіцкага раённага дома рамёстваў разам са сваімі выхаванцамі прынялі ўдзел у мерапрыемстве, прысвечанаму 100-годдзю абвяшчэння БССР, і прадэманстравалі сваё майстэрства.
Show more
"Пра пунсовыя ветразі, драўляны табурэцік і адно шчасце на дваіх" Яшчэ Фрыдрых Ніцшэ аднойчы сказаў, што добры шлюб грунтуецца на таленце і сяброўстве. Менавіта тады, лічыць вялікі нямецкі філосаф, сям’я будзе моцнай і духоўна здаровай. На шчасце, такія сем’і ёсць. Адна з іх – Лебедзевых Аляксея і Веранікі з вёскі Агарэвічы. Аляксей і Вераніка – людзі, якія створаны адзін дзеля другога, каб кахаць, нараджаць дзяцей, раздзяляць выпрабаванні, радасныя хвіліны, наканаваныя лёсам, быць падтрымкай і дапаўненнем у творчых памкненнях. Мяркуйце самі – калі з-пад пэндзля мастачкі Веранікі Лебедзевай на свет з’яўляецца карціна, то яна абавязкова будзе апраўлена ў рамку, зробленую залатымі рукамі яе мужа. Альбо калі Аляксей задумаў зрабіць з дрэва няхай сабе самую звычайную кухонную дошку, то яе эскіз распрацуе жонка. Творчая праца настолькі іх аб’ядноўвае, што іншы раз, нешта ствараючы, ім не хапае дня. Бывае, што на дварэ ўжо поўнач, а яны гамоняць, абмяркоўваюць задуманае, дзеляцца доўгатэрміновымі планамі… І заснуць толькі пад раніцу. Шчаслівымі… За апошнія гады гэтай таленавітай парай зроблена шмат вырабаў з дрэва і бісеру, намалявана і вышыта столькі карцін, што іх утульная вясковая хата, пэўна, не змясціла б усяго! Між тым для Аляксея і Веранікі аднойчы ўсё было ўпершыню. Аляксей добра памятае, як яшчэ школьнікам змайстраваў для матулі табурэцік. Колькі ж радасці было ў дзіцячых вачах, калі матуля прыхваліла яго за цудоўную, а самае галоўнае, патрэбную ў доме рэч! Праз гады ён не аднойчы скажа маці, каб выкінула табурэцік з хаты, а ён зробіць другі, яшчэ лепшы. Але для яе, роднай, першая сынава работа бясцэнная. Так, як і для матулі Веранікі першая карціна «Пунсовыя ветразі», якую дзяўчынка напісала, будучы школьніцай, пад уражаннем ад кнігі Аляксандра Грына. Пісала сэрцам і кожнай стрункай душы адчувала перажыванні юнай Асоль, а яшчэ моцна верыла, што недзе ёсць на свеце і яе палавінка. Як аказалася, гэтая палавінка заўсёды была побач. Аляксей з Веранікай вучыліся ў адным класе. Невялічкая ростам дзяўчынка заўсёды падабалася высокаму, чарняваму Алёшу, але хлопец чамусьці баяўся падступіцца да яе. І толькі вярнуўшыся са службы ў арміі, цвёрда сказаў дзяўчыне, маўляў, колькі ўжо можна хадзіць кругамі, ёй нарэшце трэба адкрыць вочы і разглядзець яго. Першае спатканне было на Купалле. Гучала музыка, было на свяце шмат людзей, але акрамя іх, дваіх, здавалася, нікога і нічога навокал не было... Зараз у Аляксея і Веранікі падрастае маленькая дачушка Насцечка, іх радасць і ўцеха. З яе з’яўленнем сям’я пусціла глыбокае, надзейнае карэнне на гэтай зямлі і стала больш моцнай. Некалькі гадоў таму Аляксей аформіўся рамеснікам і зараз шмат прыгожых, карысных рэчаў вырабляе на заказ. Месяцы два ў год праводзіць мужчына ў лесе, займаючыся нарыхтоўкай драўніны. Працуе пакуль у прыстасаваным пад майстэрню памяшканні, але ж выканаць можа нават самы складаны заказ. Зробленыя ім дзверы, палічкі, спальныя гарнітуры ўпрыгожаць любую хату. У планах Аляксея пабудаваць вялікую, сапраўдную майстэрню, дзе будзе не толькі працаваць, але і размесціць усе карціны таленавітай жонкі. А пра сваю другую палавінку Аляксей гаворыць толькі з любоўю і павагай. Ён лічыць, што з Веранікай яму вельмі пашанцавала ў жыцці, бо яна не проста жонка, а сябар, дарадца… І няхай не нажылі яны вялікага багацця, дасць бог, усё гэта ў іх абавязкова будзе, затое прыдбалі галоўнае – сямейнае шчасце. Таццяна МАЛЯЎКА, аграгарадок Агарэвічы. Матэрыял з газеты "Савецкае Палессе" ад 23 сакавіка 2019 г.
Ксюша Карпович
27 March
Малайцы, Вераніка і Аляксей! Рэспект аўтару артыкула! :-)
Log in or sign up to add a comment