Віншуем з перамогай.

У красавіку 2021 года ўстанова культуры “Магілёўскі абласны метадычны цэнтр народнай творчасці і культурна-асветнай работы” запусцілі конкурс гарманістаў і выканаўцаў прыпеўкі “Падняпроўскі гармонік”.
Конкурс праводзіўся з мэтай выяўлення і падтрымкі таленавітых, самабытных музыкаў-гарманістаў аматараў; адраджэння, захавання і развіцця ўнікальнага жанру гульні на гармоніку; зберажэння традыцыйнай музычна-песеннай культуры рэгіёну; захавання і развіцця традыцыйнай народнай культуры, падтрымкі народнай творчасці, захавання лепшых узораў народнай творчасці.
Конкурс праводзіўся па наступных намінацыях: “Лепшы гарманіст”, “Лепшы ансамбль гарманістаў”, “Народная прыпеўка”, “Аўтарская прыпеўка”, “Народная песня” і “Аўтарская песня”.
Удзел прыняло больш за 50 канкурсантаў, сярод якіх гарманісты-аматары, ансамблі гарманістаў, выканаўцы, аўтары і збіральнікі прыпевак.
У снежні адбылося пасяджэнне журы конкурсу ў складзе: Хмялькоў Алег Фёдаравіч, дырэктар установы культуры “Магілёўскі абласны метадычны цэнтр народнай творчасці і культурна-асветнай работы”, старшыня журы; Глуздоў Аляксандр Мікалаевіч, начальнік аддзела традыцыйнага мастацтва і культурна-дасугавай дзейнасці УК “Магілёўскі абласны метадычны цэнтр народнай творчасці і культурна-асветнай работы”; Завадская Валянціна Пятроўна, галоўны хормайстар ўстановы культуры “Магілёўскі абласны метадычны цэнтр народнай творчасці і культурна-асветнай работы”; Марковіч Аляксей Уладзіслававіч, выкладчык установы адукацыі “Магілёўскі дзяржаўны каледж мастацтваў”; Масейчук Аляксандр Мікалаевіч, выкладчык, кіраўнік народнага інструментальнага ансамбля ўстановы адукацыі “Магілёўскі дзяржаўны каледж мастацтваў”.
Дыплом 2 ступені ўзнагароджаны народны фальклорны калектыў “Багатуха” Быхаўскага РЦК.