25 снежня ансамбль Белы Птах павіншаў усіх з Нараджэннем Хрыстовым!!! Цудаў, моцнага ўсім здароўя, сябры. Мірная зорка хай ярка гарыць для вас і хай збудуцца ўсе Вашы мары і жаданні!!!
ДВА ГАЛУБЫ (сл. І. Фралова, муз. А. Чыркун)/БЕЛЫ ПТАХ /Сольны канцэрт "Тры каханні" Вобраз кахання ёсць амаль ва ўсіх беларускіх арнаментных спалучэннях Беларускія жанчыны не спыніліся на адным вобразе кахання. Яны паспрабавалі распісаць у арнаментыцы амаль увесь каларыт пачуццяў чалавека ў рамках любоўных зносінаў. Каханне і прыгажосць, жаночая доля ў шлюбе, непадзельнае, трагічнае каханне. Арнаментаў на тэму кахання ў беларусаў атрымалася шмат, і кожны з сімвалаў па-свойму цікавы, а прыгажосць іх не вызывае сумневаў
Стоіць гора высокая (беларуская народная песня) Белы Птах У кожнага народа ёсць свае адметныя сімвалы, і адзін з іх – арнамент, што ўпрыгожвае традыцыйныя строі, посуд і адзін з самых галоўных элементаў матэрыяльнай культуры беларусаў – нашы рушнікі. Менавіта арнамент адрознівае нас ад іншых народаў. І кожная яго выява мае свой сакральны, глыбінны сэнс. Трэба разумець, што кожны сімвал абазначаў нешта асаблівае і выконваў сваю функцыю. Адным з галоўных знакаў для Белага Птаха з’яўляецца сімвал “Зямля”.
Каханенькія, родненькія!
Рады запрасіць Вас на сольны наш канцэрт
"Тры каханні"
Таямніцы душы, вобразы яднання песень і танцаў, мелодыі і арнаменту, шчасця і святаў, павагі да продкаў і кахання, усё самае асноўнае, што адбываецца ў жыцці чалавека. А мы паспрабуем паказаць і праспяваць разам з Вамі тыя песні, якія кранаюць сэрца.
Кожны з Вас знойдзе свае Тры каханні, прыходзьце калі ласка
Канцэрт адбудзецца ў
Палацы культуры МТЗ
24 лістапада 2023
А 19 гадзіне
г. Мінск,
вул. Даўгабродская, 24
Кошт квіткоў:
15,12,10 рублёў
Даведкі па тэлефонах :
+375-29-7619749(МТС)
+375-17-302-89-28
Мастацкі кіраўнік
Вольга Жышкевіч