Реал» ҳужумчиси Криштиану Роналду жамоадаги муҳит ва клубнинг 16та ўйиндан иборат ғалабали серияси борасида ўз фикрларини билдириб ўтди.

«Жамоа ўзига ишонган ва шундай ҳолда давом этишни истайди. Сўнгги йилларда мен учун энг яхши муҳит ҳукмронлик қилмоқда. «Реал» мен учун иккинчи оила. Биз ҳар куни бирга ишлаймиз. Мен бахтиёрман ва жамоадошларим учун ҳам барчаси аъло даражада. Мураббийлар штаби жамоанинг ички муҳитида муҳим роль ўйнайди.
Ҳозирги "Реал" сўнгги йиллардаги жамоанинг энг яхшиси, деган гап-сўзларни эшитяпман. Лекин биз буни қандайдир муҳим соврин ютганимиздан кейин билиб оламиз. Ҳозир ажойиб формадамиз ва шунинг учун ҳам 16та ўйиндан кетма-кет ғалабани қўлга киритдик», – дейди Роналду.