Սպիտակ տունը հրապարակել է զենքի շրջանառության սահմանափակման մի շարք միջոցառումներ, որոնք նախագահ Բարաք Օբաման մտադիր է ձեռնարկել՝ շրջանցելով Կոնգրեսին: Այս մասին հաղորդում է Reuters-ը՝ հղում անելով Սպիտակ տան հայտարարությանը:
Առաջին հերթին Օբաման ծրագրում է զենքի բոլոր դիլերներին պարտավորեցնել ստանալ արտոնագիր, ինչպես նաև ստուգել գնորդների կենսագրությունը, քանի որ այժմ զենք կարելի է գնել առանց ստուգման՝ համացանցում կամ ցուցահանդեսներում:
ԱՄՆ նախագահը մտադիր է Ալկոհոլի, ծխախոտի, հրազենային զենքի և պայթուցիկ նյութերի բյուրոյում հավելյալ վարձել 200 գործակալների՝ զենքի շրջանառության օրենքին հետևելու համար: Նա նաև պատրաստվում է դիմել կոնգրեսին 500 մլն դոլար հատկացնելու խնդրանքով՝ հոգեբուժական օգնության մատչելիությունը բարձրացնելու նպատակով:
Օբաման նաև կհանձնարարի պաշտպանության, արդարադատության և ներքին անվտանգության նախարարություններին մշակել «խելացի զենք», որը կկրակի միայն դրա արտոնագիրն ունեցող տիրոջ ձեռքում:
Присоединяйтесь к ОК, чтобы подписаться на группу и комментировать публикации.
Нет комментариев