Кешенең табигый асылына һәм шуңа якын нәрсәләргә кагылышлы сөннәтләр

Әлеге сөннәтләрнең исемлеге
Аллаһның рәсүле әйтте:
– Ун нәрсә фитрадан (табигый): мыекларны кыскарту, сакал үстерү, теш чистарткыч куллану, борынны су белән юу, бармакларның буыннарын юу, култык астындагы йоннарны йолку, касыктагы йоннарны кыру һәм юыну өчен су куллану. Хәдисне тапшырган кеше унынчы нәрсә хакында оныткан.
Уң якка өстенлек бирүе
Ул аяк киемен уң аяктан кия, уң яктан чәч тарый иде, аңа тәһәрәт алганда уң яктан башлау, уң кул белән нәрсә дә булса бирү яки алу ошый иде. Ул уң кулы белән ашый, эчә, тәһәрәт ала иде, ә сул кулын йомышын йомышлаганда, нинди дә булса пычрактан чистарынганда куллана иде.
Чәчен кыркуы
Әгәр аңа чәчен кыркырга кирәк булса, ул яки башындагы бөтен чәчен дә кырыккан, яки бөтенләй алмаган.
Мисвәк
Ул мисвәк (теш чистарткыч) кулланырга ярата иде һәм аны уразасыз килеш кенә түгел, хәтта уразалы килеш тә куллана иде.
Шулай ук йокыдан уянгач та, тәһәрәт алганда да, намаз алдыннан да, өйгә керер алдыннан да тешләрен мисвәк белән чистарта иде, моның өчен ул арак тамырыннан ясалган таякчыклар куллана иде.
Ислемайлар
Ул үзенә бик күп ислемайлар сибә иде һәм ислемайлар яратты.
Мыек һәм сакал
Ул әйтте:
“Мөшрикләрдән аерылып торыгыз: сакалларыгызны җибәрегез, мыекларыгызны
кыскартыгыз”.
Мыек һәм тырнакларны кисү
Әнәс (Аллаһ аннан риза булсын) әйтте: “Пәйгамбәр безнең өчен кырык көнгә бер мәртәбә булса да мыекларны һәм тырнакларны кисәргә кирәклекне билгеләде”.