Тестнинг 1-кунида 6 мингдан кўпроқ абитуриент тестга келмади
Ички ишлар вазирининг матбуот котиби Шохрух Гиясов тест синовларини ўтказиш даврида жамоат тартибини сақлаш ва хавфсизликни таъминлаш борасида амалга оширилган ишлар тўғрисида маълумот берди. Бу ҳақда ЎзА мухбири хабар бермоқда.
1-кунги тест синовларида жами 118 500 нафар абитуриент тест синовларида иштирок этиши керак эди. Амалда 112 188 нафар абитуриент тестда иштирок этиш учун келди. 6 312 нафар абитуриент турли сабабларга кўра, тестда иштирок этиш учун келмади.
Текширилганда тана ҳарорати юқори бўлган 4 нафар абитуриент тестга киритилмади. Улар билан тиббиёт ходимлари шуғулланди.
Шунингдек, қайта-қайта огоҳлантиришга қарамасдан, абитуриентлар томонидан имтиҳонга ўзлари билан турли электрон буюмлари – мобил телефонлар, микрокалькуляторлар, қулоқчин, электрон соатлар, турли нарсаларга битилган шпаргалкаларни олиб кириш ҳолатлари кузатилди.
Бугун 59 нафар абитуриентлар тест синовидан четлаштирилди. Уларнинг 33 нафари уяли телефонларни, 4 таси қўлбола ясалган электрон қурилмаларни яширин олиб киришга уринган. 5 нафари тана қисмларига “шпаргалка” ёпиштириб кирмоқчи бўлган. 5 та ҳолатда абитуриент ўрнига бошқа шахслар киришга уриниб кўрган, 1 та ҳолатда рухсатнома қалбакилаштирилган.
4 та ҳолатда абитуриентлар бир-бирига ёрдам бергани учун тестдан четлатилган.
Тестда қатнашган абитуриентларнинг фикрларини изоҳларда кутиб қоламиз!
Сафимизга қўшилинг!
👉 @davlattestmarkazi 👈
Присоединяйтесь к ОК, чтобы подписаться на группу и комментировать публикации.
Нет комментариев