Дзікая прырода побач

Вітаем усіх новенькіх падпісчыкаў нашай старонкі! Мы – кампанія “Дзікая прырода”. Мы ствараем цікавыя прадукты і ўвесь прыбытак ад іх накіроўваем на ахову прыроды Беларусі. У нас на старонцы ты знойдзеш: цікавыя факты пра дзікую прыроду Беларусі анонсы нашых і партнёрскіх актыўнасцяў, звязаных з дзікай прыродай: лекцыі, конкурсы, выставы прыгожых птушак і звяроў, тэставанкі і інтэрактыў у сторыз важныя памяткі і парады ў вечных сторыз. Як жа мы ахоўваем прыроду? Чытай матэрыялы па хэштэгу #ДзікіяЭкспедыцыі Як ты можаш дапамагчы дзікай прыродзе Беларусі? Далучыцца да “Дзікага клуба” https://clck.ru/39ERLY Набыць наш кішэнны вызначальнік птушак https://clck.ru/3

Дзікая зона. Роўна 38 гадоў таму, 26 красавіка 1986 года, здарыўся выбух рэактара 4-га энергаблока Чарнобыльскай АЭС. Гэта прывяло да адной з самых жахлівых экалагічных катастроф у гісторыі. Тэрыторыі многіх краін Еўропы і былога СССР былі забруджаны радыеактыўнымі рэчывамі. Цяжкія трансуранавыя элементы раскідала непасрэдна вакол станцыі. Іх размяшчэнне і акрэсліла вылучэнне 10-ці і 30-кіламетровых зон адчужэння вакол, з якіх перасялілі людзей і абмежавалі доступ. У беларускай частцы зоны адчужэння ў 1988 годзе стварылі Палескі дзяржаўны радыяцыйна-экалагічны запаведнік. Гэтая ўстанова, якая з 2023 года падпарадкуецца Мінпрыроды, ахоўвае і вывучае дзікую прыроду Чарнобыльскай зоны.

Хочаш зрабіць унёсак у вывучэнне птушкі года?
Учора ў Мінску на рагу вуліц Філімонава і Парніковай прайшоў майстар-клас па падліку гнёзд варон. Управіліся за 80 хвілін да цемры. Было цікава. Арнітолаг Аляксандр Вінчэўскі расказвае, як гэта было:
"Мы метадычна абышлі ўсе дрэвы на выбраным участку, выразна абмежаваным. Лісце яшчэ невялікае, і гнёзды добра відаць здалёк. Мы выявілі 7 занятых гнёздаў варон (у пяці з іх птушкі наседжвалі – з гнязда тырчаў хвост, два яшчэ дабудоўваліся), 4 занятыя гнязды гракоў і толькі адно гняздо сарокі, якое яшчэ будуецца.
Акрамя таго, на карце мы адзначылі пустымі кружкамі 4 незанятыя гнязды варон і два – сарокі. Хутчэй за ўсё, гнёзды старыя, але каб упэ

Зрабі круты падарунак з птушкай года сабе ці блізкаму чалавеку!
Радасна паведамляем, што мы прымаем заказы на новы дроп эксклюзіўных футболак і шопераў – з шэрай варонай! Прыбытак ад іх пойдзе на ахову прыроды Беларусі.
Тканіна 100% бавоўна высокай шчыльнасці 150 г/м2.
Для прынтоў будзе выкарыстаны ДТФ друк, адзін з самых якасных – карцінка доўга не выцвітае.
Такія вырабы будуць доўга радаваць свайго гаспадара ці гаспадыню.
Колеры жаночых футболак – белы, нябесны, мятны, мужчынскіх – белы, ружовы, мятны.
Даступныя чатыры прынты.
Таксама можна замовіць стыльныя бэжавыя шоперы з такімі самымі прынтамі. Тканіна 100% бавоўна павышанай шчыльнасці 168 г/м2.
Кошт фут

Калі хочаш зрабіць унёсак у вывучэнне Птушкі года – запрашаем на птушыную прагулку з арнітолагам Аляксандрам Вінчэўскім! Для цябе Аляксандр правядзе майстар-клас па падліку гнёздаў шэрых варон і сарок. Будзем вучыцца картаваць іх. Патрэбны зыходныя дадзеныя, каб праверыць, ці выцясняюць вароны сарок з гарадоў. Спадзяёмся, што ты зможаш паўтарыць падлікі потым у сваім мікрараёне. Вясна бяжыць хутка, праз тыдзень варон на гнёздах будзе не разгледзець. Методыку на днях апублікуем, але лепш паспрабаваць з дасведчаным чалавекам. Калі ёсць бінокль – бяры. Збіраемся заўтра а 18:00 у нашым офісе на вул. Парніковай, 11, памяшканне 4. Удзел бясплатны. Калі ты не паспееш да гэтага часу,

Ці ведаеш ты, колькі ў Беларусі вадаплаўных птушак? Калі думаеш, што іх дзясятак-паўтара, то памыляешся: іх каля 70! Што гэта за птушкі і дзе яны жывуць? Якія ў іх сакрэты? Глядзі інтэрв'ю з арнітолагам Аляксандрам Вінчэўскім для нашага са Smartpress праекта "Дзікая прырода Беларусі" https://youtu.be/VwuQ2aXCKF4 На фота звычайны гогаль, аўтар Алег Аляксевіч, t.me/ptushkafota