Ўзбекистон президенти Шавкат Мирзиёевнинг кенжа қизи, 31 яшар Шаҳноза Умарова мамлакатда янги таъсис этилган Мактабгача таълим вазирлигида масъул лавозимга тайинланди.
Дастлаб kun.uz сайтида нашр этилган бу хабар кейинчалик олиб ташланди.
Сайт манбалари Шавкат Мирзиёевнинг қизи вазирликда масъул ходима эканини тасдиқлаганлар. Кun.uz сайтига кўра, Шанҳноза Умарова 19 декабрь куни Президент Мирзиёев раислигида ўтказилган видеоселектор йиғилишида вазир Агрепина Шиннинг ёнида ўтирган. Шаҳноза Умарованинг турмуш ўртоғи Отабек Мирзиёев ҳокимиятга келганидан кўп ўтмай, президентнинг хос қўриқчиларидан бирига айлангани ҳақида Озодлик хабар берган эди.
Ўзбекистон юқори ҳукумат доираларига яқин тадбиркор исми очиқланмаслиги шарти билан Озодликка Отабек Умаров 2017 йилнинг январь ойида президент шахсий қўриқчилари гуруҳига ишга олинганини айтган эди.
Умаров Мирзиёевга унинг хорижий сафарларида доимо ҳамроҳлик қилади.
Тошкент Давлат Юридик Университетини тугатган Шаҳноза Умарова отаси президент этиб сайлангунга қадар Корея пойтахти Сеулда истиқомат қилган эди.
(Фото: Ўзбекистон телевиденияси)
Присоединяйтесь к ОК, чтобы подписаться на группу и комментировать публикации.
Комментарии 225