Тожикистонда ақиқа ўтказиш, ҳожиларни "ҳожи ака", деб чақириш тақиқланади
Бундан буён Тожикистонда марҳумнинг 7 сига ва 40 ига мол сўйиш ва меҳмонлар олдига дастурхон ёйиш мумкин эмас.
Бу тақиқ Тожикистон парламенти 23 август куни маъқуллаган “Анъаналар, тантана ва урф-одатлар тўғрисида”ги қонунга ўзгартиш ва қўшимчалар киритиш тўғрисидаги қонун лойиҳасида назарда тутилган.
Янги қонун лойиҳаси парламентга президент Эмомали Раҳмоннинг ташаббуси билан киритилган.
Янги қонун лойиҳасида, шунингдек, болани суннатга ётқизиш маросимини оила даврасида, хонанда ва созандаларсиз ўтказиш назарда тутилган. Боланинг “қўлини ҳалоллаш” чақалоқ туғилганидан сўнг 20 кун ичида тиббиёт муассасасида бепул амалга оширилади.
Чақалоқ туғилганидан 7 кун ўтиб ўтказиладиган ақиқа маросимини ўтказиш умуман тақиқланди. Удумга кўра, ақиқа маросимида агар чақалоқ ўғил бўлса иккита, қиз бўлса битта қўй сўйилади.
«Бу чораларнинг барчаси ота-оналарнинг маблағларини тежаш ва халқ турмуш даражаси пасайиб кетишининг олдини олиш учун кўрилмоқда”, - дейилган Тожикистон президенти расмий сайтида.
Чоршанба куни парламент маъқуллаган қонун билан ҳаж сафаридан қайтганлар исмига “ҳожи” сўзини қўшиб айтиш ҳам тақиқланади.
Президентнинг таклифига кўра, амалдорлар ва юридик шахсларнинг “Анъаналар, тантана ва урф-одатлар тўғрисида”ги қонуннинг бажарилиши учун масъулияти кучайтирилмоқда.
Қонунни бузган амалдорлар 25-26 минг сомонийдан 35 минг сомонийгача, якка тартибда фаолият юритувчи тадбиркорлар, диний арбоблар ва уламолар 35 минг (қарийб 4000 АҚШ доллари) сомонийгача жарима тўлашга ҳукм қилиниши мумкин.
Кейинги пайтларда Ўзбекистон президенти Мирзиёев ҳам тўйларни тартибга солиш тўғрисида гапирди.
https://www.ozodlik.org/a/tojikiston-tadbirlar-cheklov/28692429.html
qani edi bizda ham wunaqa qilib tawlasa. Payg'ambarimiz uch kun aza deganlar, bilmadim odamlar buni qayerdan topib olgan 40 si yilligi deb qiluviriwadi payg'ambarimiz zamonida bôlmaganlarku odmlani uzlari chiqarivoliwgan. bir uyda odam ôlsa uydagilariga bir oy tinchlik yôq har kuni odam kelivuradi. hamdard bildirgan kiwi bôlib boriwadi lekin aksincha har kuni odamlar kelivurib esdan chiqgan bulsa ham esiga solib turiwadi. kôpchilik oylani boqivchisi ôlsa, ularga yordam qiliw urniga ularni bor budini quritib xudoyisi, qirqi, yili deb qolgan mol mulkiniyam sotib odamlarga dasturxon yozib beradi. Mani uzim guvoxi bôlganman eridan qolgan bir sigiri boridi bir ayolni wuni sogib sutini bollariga ichirardi. erini yilini beriw uchun wu sigirini sotib odamlaga dastirxon yozib berdi bollariga har kungi sutam yuqqa chiqdi
Комментарии 454
4000$ jarima
Hoji aka deyiw dinda yuq